काठमाडौँ। नेप्लिज फेशन होमको आयोजनामा मिस नेवा: ११४३ बाट नेवारी भोजको आयोजना सम्पन्न भएको छ। आज टोखा स्थित सपनर्तिथमा आयोजित भोजमा ११४३ मा सहभागिता जनाएका मिस नेवाहरुको सहभागिता रहेको थियो।

उक्त कार्यक्रम काठमाडौँ महानगरपालिकाकी उपप्रमुख तथा पूर्व मिस नेवा: सुनिता डंगोलको प्रमुख अतिथिमा सम्पन्न भएको थियो भने कार्यक्रममा टोखा नगरपालिकाका प्रमुख प्रकाश अधिकारी तथा बुढानिलकण्ठका उपमेयर अनिता लामाको बिशेष आतिथ्य रहेको थियो।

भोज कार्यक्रमको संयोजन सपनतिर्थ व्यवस्थापन समितिका अध्यक्ष तथा समाजसेवी देव डंगोलले गरेका थिए। कार्यक्रममा नेवा गुठि टोखाका अध्यक्ष समाजसेवी रमेश नापित, संरक्षित क्षेत्र बिकास समितिका अध्यक्ष गणेशमान श्रेष्ठ, र सपनतिर्थ मन्दिर व्यवस्थापन समितिका अध्यक्ष देवराज डंगोललाई प्रमुख अतिथिबाट कदर पत्र प्रदान गरी सम्मान गरिएको थियो।

कार्यक्रममा नेपाल क्योकुशिन करातेका अध्यक्ष अशोक श्रेष्ठ, टोखा नगरपालिकाका कार्यकारी प्रमुख शेरबहादुर बिसी, मिस नेवा कृषा महर्जन र सलिना महर्जन, लाइन्स क्लव अफ टेम्पल भ्यालीका अध्यक्ष अमी मास्के, मिस लिटल नेवा आर्या श्रेष्ठ, किड विन अपेक्षा शेरचन, लाइन्स क्लब ब्लड सकलनका सयोजक अनिल तुलाधर रहेका थिए।

१७ संस्करण अन्तर्गत भैरहेको मिस नेवा ११४३ को फाइनल यहि भाद्र ५ गते राजकिय प्रज्ञा प्रतिस्ठानमा हुने कार्यक्रमका सभापति तथा आयोजक हेमा मानन्धरले बताउनु भयो।