कीर्तिपुर। कीर्तिपुरमा आज एक औपचारिक कार्यक्रमको आयोजना गरि जय जय बाघभैरव भजन गीतको प्रिमियर सो सम्पन्न भएको छ। भाद्र १ गते हुन लागेको बाघ भैरव जात्रालाई लक्षित गरेर उक्त भजन गीतको प्रिमियर सो गरेको हो।

भजन गीत प्रिमियर सो कार्यक्रम जनकवि दुर्गालाल श्रेष्ठको प्रमुख आथित्यमा सम्पन्न भएको थियो। भने कार्यक्रममा संस्कृतिविद, कलाकार, पत्रकार र संगीत प्रेमीहरुको बाक्लो उपस्थिति रहेको थियो।

भजन गीतमा स्वर बाघभैरव भजन मण्डल परिवारको रहेको छ। संगीत संयोजन र रेकडिष्ट हरिशरण सायमीले गरेका हुन् । म्युजिक भिडियोमा बालकलाकारको भूमिकामा प्रशिद्धि महर्जन, इनाप महर्जन, बिजन मानन्धर र मनिन्द्र महर्जनले अभिनय गरेका छन्। छायाँङकन र सम्पादकको भूमिका राजेश शाक्य, निर्देशन ललेंद्र शाक्यले गरेका हुन्। उक्त भजन गीतको निर्माण समुहमा हरिशरण सायमी, ज्ञानकुमार महर्जन, प्रताप महर्जन, ललेंद्र शाक्य र राजेश शाक्य रहेका छन्।

उक्त भजन गीत ५ मिनेटको रहेको छ। भजन गीतको प्रिमियर सो कार्यक्रम कीर्तिपुर सिनेप्लेक्समा भएको थियो।