दोलखा भीमेश्वरको मन्दिर कहिलेसम्म बन्द
shares
दोलखा । कोभिड —१९ का कारण सृजित लकडाउका कारण बिगत लामो समयदेखि बन्द भएको दोलखा भीमेश्वरको मन्दिर खोल्ने अहिलेसम्म निश्चित भएको छैन । भक्तजनहरुको आस्थालाई ध्यान दिएर तत्काल सुरक्षा मापदण्ड अपनाई मन्दिर खुलाउन सबै पक्षले पहल गर्नु पर्दछ ।
ललितपुर महानगरपालिकाले पाटन दरबार क्षेत्रमा रहेको ‘पाटन सङ्ग्रहालय’ भोलिदेखि खुला गरिने भएको छ । त्यसै गरि गोरखाको मनकामना र गोरखकाली मन्दिर भदौ २३ गतेदेखि भक्तजनका लागि खुला गरिने भएको छ । दक्षिणकाली मन्दिर पनि खुल्ला गरिने भएको छ । मन्दिर खुलेसँगै भक्तजनहरुले पूजाआजा गर्न पाउनेछन् ।
दोलखा भीमेश्वर मन्दिर ब्यवस्थापन समितिले भक्तजनहरुको धार्मिक आस्थामा सम्मान गर्दै बिशेष सुरक्षा मापदण्ड अपनाएर मन्दिर चाडो भन्दा चाडो खुल्ला गरि सबैको धार्मिक आस्था प्रति सम्मान गर्न समितिले पहल गर्नु पर्दछ ।
दोलखा भीमेश्वर नेवारहरुकै आस्थाको केन्द्र भएकाले देशै भरिका नेवारहरुको आगमनलाई मध्यनजर गरि दैनिक पूजा गर्ने ब्यबस्था समतिले सृजना गर्नु पर्दछ ।
निषेधाज्ञासँगै गएको वैशाख १६ गतेदेखि दोलखा भीमेश्वरको मन्दिर बन्द गरिएको थियो । मन्दिर परिसर बन्द भए पनि दर्शनार्थीहरु मन्दिर परिसरमा पूजा गर्नलाई भए पनि मन्दिर पुगेका हुन्थे ।
दोलखा भीमसेनमा दशै, रामववमी, चैत्रे दशैँ, भीमएकादशी, बालाचर्तुदर्शी लगायत धेरै पर्वहरुमा भक्तजनहरुको भीड लाग्ने गर्दछ । त्यसको अलवा दोलखामा मछिन्द्रनाथको रथजात्रा, गाईजात्रा, भैरवकुमारी जात्रा, खड्ग जात्रा, लाखे जात्रा आदि मुख्य जात्रा हुन् ।
दोलखा तिब्बत र भारतको व्यापारीहरूको पुरानो थलो पनि हो । दोलखामा बिगतमा बिभिन्न काष्ठकला, मूर्तिकला, र हस्तकलाका सामग्री निर्माण हुन्थ्यो । पहिला ईटा समेत दोलखामै निर्माण हुन्थ्यो । दोलखा मल्लकालीन सुसम्पन्न पुरानो सहरका रूपमा परिचित छ ।
वि.सं.२०७८ भदौ २२ मंगलवार १३:०७