ट्विटरको सीईओ छाड्ने एलन मस्कको घोषणा
shares
काठमाडौं । एलन मस्कले ट्विटरको सीईओ छाड्ने घोषणा गरेका छन् । मस्कले आज बिहानै सिइओ पदबाट राजीनामा दिने घोषणा गरेका हुन् । गरेको ‘म सीईओ पदबाट छिटो राजीनामा दिनेछु,’ उनले भनेका छन्, ‘मैले केवल सफ्टवेयर सर्भर टिम चलाउनेछु ।’
उनले ट्वीटर प्रमुखको भूमिकाबाट अलग हुँदा ठिक होला कि, नहुँदा ठिक होला भनेर ट्वीटरमा भोटिङ पोल राखेका थिए र नतिजाको पालना गर्ने बताएका थिए । त्यसमा ५७.५ प्रतिशतले अलग हुनुपर्छ भनेर मत दिएका थिए । हुनु पर्दैन भन्ने पक्षमा ४२.५ प्रतिशत मत परेको थियो । अलग हुनुपर्छ भन्नेमा धेरै मत परेपछि उनले ट्वीट गरेर सीईओ पदबाट राजीनामा दिने बताएका हुन् ।
उनले हालै ट्वीटरको स्वामित्व खरिद गरेपछि धेरै कुरा परिवर्तन गर्ने कोसिस गरेका थिए, त्यसबाट उनको आलोचना भएको थियो । खासगरी उनले ट्वीटर अकाउन्ट भेरिफाइड भएको संकेत चिह्न ब्लु टिकका लागि पैसा तिर्नुपर्ने भनेर निर्णय गरेपछि विश्वभरबाट आलोचना भएको थियो ।
वि.सं.२०७९ पुस ६ बुधवार ०९:४४
