काठमाडाैँ । युक्रेनी राष्ट्रपति भोलोडिमिर जेलेन्स्कीले गत शनिबार राती जारी गरेको अङ्कियदृश्य (भिडियो) मार्फत सम्बोधन गर्दै पूर्वी डोनेट्स्क क्षेत्रको रणनीतिक शहर बाख्मुटको वरिपरि भीषण युद्धहरू भइरहेको जनाए ।

“हामी डोनबासमा विशेष गरी बाख्मुट दिशा तर्फका स्थानहरूमा पकड बनाईरहेका छौं, जहाँ अहिले अत्यन्तै ,धेरै कठिन लडाई जारी छ,” जेलेन्स्कीले भने।

“आज, म फेरि एकपटक खोलोड्नी यार ९३ पृथक यान्त्रिक सैनिक गणका हाम्रा सैनिकहरूलाई उनीहरूको साहस र यस दिशामा दिगो शक्तिको लागि उल्लेख गर्न चाहन्छु।”

युक्रेनको लागि अहिलेको सर्वोच्च प्राथमिकता भनेको “युक्रेनलाई पर्याप्त मात्रामा आधुनिक र प्रभावकारी वायुयान बिरुद्ध मार हान्न सक्ने (एन्टि-एयरक्राफ्ट) प्रणालीहरू प्रदान गर्ने हाम्रा साझेदारहरूको निर्णयलाई गति दिनु हो।” जेलेन्स्कीले थपे ।

गत शनिबार जर्मनीले युक्रेनका लागि आईआरआइएस-टि वायु रक्षा प्रणाली र ग्रीस र स्लोभाकियाबाट जम्मा १०० बख्तरबन्द (ट्याङ्क)हरू सहित थप हतियार प्रदान गरिने घोषणा गरेको छ ।