दल विभाजनसम्बन्धी अध्यादेश संविधानको मर्मविपरीत
shares
काठमाडौँ । एमाले सचिव तथा पूर्वमन्त्री गोकर्ण विष्टले दल विभाजनसम्बन्धी अध्यादेश ल्याउने कार्य लोकतान्त्रिक अभ्यास र संविधानको मर्मविपरीत भएको बताएका छन् । सामाजिक सञ्जाल फेसबुकमा विष्टले अध्यादेशले दलभित्र उत्पन्न हुने अन्तरविरोध र समस्यालाई दलभित्रै विधिसम्मत ढङ्गले समाधान खोज्नुको सट्टा विभाजनलाई प्रोत्साहित गर्ने उल्लेख गरेका छन् ।
‘लोकतान्त्रिक अभ्यास र संविधानको मर्मविपरीत दल विभाजन सम्बन्धी अध्यादेश ल्याउने सरकारको निर्णय अत्यन्तै खेदजनक छ । यसले दलभित्र उत्पन्न हुने अन्तरविरोध र समस्यालाई दलभित्रै विधिसम्मत ढङ्गले समाधान खोज्नुको सट्टा विभाजनलाई प्रोत्साहित गर्नेछ,’ विष्टले फेसबुकमा लेखेका छन्, ‘राजनीतिक अस्थिरता, अन्यौलता र अराजकता सृजना गर्नेछ । दलहरूप्रति विकर्षण र वितृष्णा पैदा गर्नेछ । अन्ततः यसले नेपालको राजनीतिमा दु:खद परिणाम निम्त्याउने छ । यसप्रकारको प्रतिगामी निर्णयको सबैले विरोध गरौँ । फिर्ता लिन बाध्य पारौँ ।’
वि.सं.२०७८ भदौ १ मंगलवार १५:११