महेन्द्र श्रेष्ठ, दोलखा । प्रधानमन्त्री शेरबहादुर देउवाले माथिल्लो तामाकोसी जलविद्युत आयोजना अन्तर्गत निर्माण भएको खिम्ती सबस्टेसनको समुद्घाटन गर्नु भएको छ । तामाकोसी जलविद्युत आयोजना अन्तर्गत निर्माण भएको सबस्टेसनको प्रधानमन्त्री देउवाले शनिबार २२०र१३२ केभिको सबस्टेसनको समुद्घाटन गर्नु भएको हो ।

हाल सबस्टेसनमा ४५६ मेगावाटले माथिल्लो तामाकोसी जलविद्युत आयोजना, ६० मेगावाटको खिम्ती जलविद्युत आयोजना, ५४।४ मेगावाटको लिखु—४ जलविद्युत आयोजना र २४।२ मेगावाटको लिखु ए जलविद्युत आयोजना जोडिएको छ ।

नयाँ खिम्ती सबस्टेसनबाट काठमाडौं स्थित लप्सीफेदी सबस्टेसनमा ४०० केभि प्रसारण लाइनबाट जोडिने छ भने हाल ढल्केबर सबस्टेसनमा २२० केभी प्रसारण लाइन र लामोसाँघु सबस्टेसनमा १३२ केभी प्रसारण लाइनबाट जोडिसकेको आयोजनाका प्रमुख कार्यकारी अधिकृत विज्ञान श्रेष्ठले जानकारी दिनुभयो ।

अपर तामाकोशी कवाडी सामना नियमबद टेन्डर गरेर लानको लागी सबस्टेसन उद्घाटन तथा सम्मान कार्यक्रममा दोलखाका संघीय सांसद तथा पूर्व सञ्चार तथा सूचना प्रविधिमन्त्री पार्वत गुरुङले सुझाव दिनु भयो ।

सबस्टेसन उद्घाटन कार्यक्रममा ऊर्जामन्त्री पम्फा भुसाल, प्रतिनिधि सभा सदस्य जीपछिरिङ लामा, शान्ति पाख्रीन, बागमती प्रदेशका पूर्व सामाजिक बिकाश मन्त्री सरस्वती बस्नेत, वन तथा वातावरणमन्त्री विशाल खड्का , नेकपा एमाले जिल्ला अध्यक्ष नरबहादुर श्रेष्ठ तथा ऊर्जा मन्त्रालयका सचिव देवेन्द्र कार्र्की लगायतको सहभागीता रहेको थियो