थप ८९५ जनामा कोरोना संक्रमण पुष्टि, एक जनाको मृत्यु
shares
काठमाडौं । सोमबार देशभर ८९५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको विवरणअनुसार पछिल्लो २४ घण्टामा पाँच हजार ९०९ जनामा गरिएको परीक्षणमा ८९५ जना संक्रमित भेटिएका हुन् ।
सोमबार थप एकजना संक्रमितको मृत्यु भएको छ । २६४ जना संक्रमणमुक्त भएका छन् । हाल देशभर चार हजार ९३४ जना सक्रिय संक्रमित रहेका छन् जसमध्ये काठमाडौंमा दुई हजार ८७२ जना, ललितपुरमा ५४३ जना र भक्तपुरमा ३० जना छन् ।
देशभर ३६ जना संक्रमित आइसियू र पाँच जना संक्रमित भेन्टिलेटरमा उपचाररत रहेका छन् । १४२ जना संक्रमित संस्थागत आइसोलेशन र चार हजार ७९२ जना संक्रमित होम आइसोलेशनमा छन्।
वि.सं.२०७९ साउन १६ सोमवार २१:०७