एक साता लामो दोलखा महोत्सव गर्दैछौँ : दोलखा चेम्बर अफ कमर्स
shares
दोलखा सम्वाददाता । दोलखामा आगामी फागुन २१ गतेबाट ७ दिने दोलखा महोत्सव २०७९ हुने भएको छ। दोलखा चेम्बर अफ कमर्स दोलखाको आयोजना आगामी फागुन २१ गते देखी फागुन २७ गते सम्म एक साता दोलखा महोत्सव २०७९ गर्न लागेको हो।
कोरोना भाइरसले लामो समय थलिएको ब्यापार व्यवसायलाई उकास्ने उदेश्य सहित चेम्बरले दोलखा महोत्सव गर्ने निर्णय गरेको हो। कोरोना पछि फिर्न नसकेको जिल्लाको कृषि, पर्यटन, ब्यापार व्यवसाय क्षेत्रलाई उकास्ने साथै जिल्लामा आन्तरिक तथा बाह्य पर्यटक भित्र्याई दोलखा जिल्लालाई सम्बृद्ध बनाउन सहयोग पुगोस् भन्ने हितले दोलखा महोत्सव २०७९ गर्न लागिएको पत्रकार सम्मेलन मार्फत दोलखा चेम्बर अफ कमर्सले जानकारी गराईएको छ ।
महोत्सवको तयारीको बारेमा सम्वन्धी सरोकारवालाहरुसँग छलफल भई रहेको दोलखा चेम्बर अफ कमर्स दोलखाका अध्यक्ष बिष्णु श्रेष्ठले जानकारी दिए। अध्यक्ष श्रेष्ठका अनुसार कोभिड १९ का कारण थलिएको ब्यापार व्यवसाय लयमा फर्काउन ४ वर्ष पछि दोलखा महोत्सव गर्न लागिएको हो। Photo: Nimesh Kayastha
वि.सं.२०७९ पुस २८ बिहीवार २२:४९
