पूर्व राजदूत तथा व्यवसायी रुक्मशमसेर राणाको निधन
shares
काठमाडौं । भारतका लागि पूर्व नेपाली राजदूत तथा व्यवसायी रुक्मशमसेर राणाको निधन भएको छ । ज्वाइँ अनिलकेशरी शाहका अनुसार राणाको ८५ वर्षको उमेरमा शुक्रबार राती निधन भएको हो ।
मिर्गौला प्रत्यारोपणपछि उनी नियमित डाइलाइसिस गर्दै आउनुभएको थियो । नेपाली कांग्रेसका संस्थापक नेता शुवर्णशमसेरका कान्छा छोरा रुक्म सन् २००९ देखि २०११ सम्म भारतको राजदूत बन्नुभएको हो । नेपाली खेलकुदको सर्वोच्च निकाय राष्ट्रिय खेलकुद परिषद (राखेप)मा दुईपल्ट सदस्यसचिवको जिम्मेबारीमा रहनुभएको थियो ।
२०५० देखि २०५१ र २०५४ देखि २०५५ सम्म उहाँ सदस्यसचिव बन्नुभएको थियो । त्यसयता नेपाल ओलम्पिक कमिटीमा पनि लामो समय नेतृत्व दिनुभएको थियो ।
वि.सं.२०७८ भदौ २६ शनिवार ०८:३९