रिपब्लिक कन्टिनेन्ट इन्टरनेशनल २०२२ काे उपाधि नेपालकाे पोल्टामा
shares
काठमाडौँ । तीन जना नेपाली बालबालिका शैब्या घिमिरे, रिदम नेपाल र खुसीप्रिया कसुलाले फिलिपिन्समा आयोजित ‘रिपब्लिक कन्टिनेन्ट इन्टरनेशनल २०२२’ प्रतियोगीतामा उपाधि जित्न सफल भएका छन् । बुलाकान सिटीमा १६ देखि २१ डिसेम्बरसम्म आयोजना भएको प्रतियोगीतामा ‘रिपब्लिक कन्टिनेन्ट एम्बेसडर’ उपाधी जित्न सफल भएका हुन् ।
प्रतियोगीताको योङ प्रिन्स तर्फ रिदम नेपाल, योङ प्रिन्सेस तर्फ खुसीप्रिया कसुला र टिन प्रिन्सेस तर्फ शैब्या घिमिरले उपाधि हासिल गरे । प्रतियोगीतामा तीनै जनाले बेष्ट ट्यालेन्ट उपाधि समेत हात पर्दा शैब्या घिमिरेले फोटो जेनिक सहित ३ उपाधि हात पार्न सफल भइन् । सहभागी सबै प्रतियोगी रेडियन्ट इभेन्ट म्यानेजमेन्ट एजेन्सीको आयोजनामा आयोजित बिभिन्न सौदर्य प्रतियोगीताका विजेता हुन् ।
नेपाल, भारत, मलेसिया, फिलिपिन्स थाइल्याण्ड लगायत १७ देशका प्रतियोगी सहभागी प्रतियोगीता बालबालिकाको प्रतिभा निखार्ने उदेश्यले लामो समयदेखि आयोजना हुँदै आएको भएपनि नेपालको भने पहिलो सहभागीता हो । प्रतियोगीतामा सहभागी प्रतियोगीले नेपालको संस्कृति, भेषभुषा प्रदर्शनको अलवा नेपालको पर्यटनको बारेमा समेत जानकारी गराएका थिए ।
अन्तराष्ट्रिय कोरियोग्राफर राज फैजु, नृत्य निर्देशक संयुक्त स्थापित, बृहस्मान सुनुवार लगायतको क्याटवाक, अभिनय, नृत्य लगायतका बिषयको प्रशिक्षण सहित प्रतियोगी प्रतियोगीतामा सहभागी भएका थिए ।
प्रतियोगीलाई रेडियन्ट इभेन्ट म्यानेजमेन्टका प्रबन्ध निर्देशक, अन्तर्राष्ट्रिय मोडल तथा फेसन कोच राज फैजुले आफैले लिएर गएका थिए, भने उनीहरुले लगाउने पहिरन डिजाइन श्रीषा बैदारले तयार पारेकी थिइन् ।
वि.सं.२०७९ पुस ८ शुक्रवार ०८:०४