काठमाडौँ । काठमाडौँमा एक कार्यक्रमको आयोजना गरि गायिका बुनु श्रेष्ठको स्वरमा रहेको “बहनिया मिला” गीतको म्यूजिक भिडियो सार्वजनिक गरेको छ । उक्त म्यूजिक भिडियोमा गायिका श्रेष्ठले पहिलो पटक नेपालभाषाको गीत गाउनु भएको हो ।

उक्त गीतमा प्रकाशदीप श्रेष्ठको लिपि, नील शाक्यको लय, भूपेन्द्र बज्राचार्यको लय संयोजन र स्टुडियो साउण्ड मिलमा महेश्वरमान राजभण्डारीले गीतको मास्टरिङ र मिक्सिङ गरेका हुन् ।

गोकर्ण फोरेष्ट रिसोर्टमा छायाँङ्कन गरेको गीतको म्यूजिक भिडियोमा लोकप्रिय नायक धिरेन शाक्यको साथमा स्वयम गायिकाले अभिनय गरेका छन् । उक्त गीतको निर्देशन अनुप चापागाइले गरेका हुन् भने उक्त गीतमा प्रेम रसाइलीको नृत्य निर्देशन र विकास धमलाको सम्पादन रहेको छ ।

बुनु श्रेष्ठको स्वरमा रहेको “बहनिया मिला” गीतको म्यूजिक भिडियो स्टुडियो साउण्ड मिलको अफिसियल युटुब च्यानलमा हेर्न सकिन्छ । गीत माया प्रेमले भरिपूर्ण छ ।

कार्यक्रम सोविनियर ग्यालरी सोल्टी प्लाजा रोडमा भएको थियो । कार्यक्रममा संचारकर्मी, संगीतकर्मी र गीत संगीत प्रति माया गर्नेहरुको उल्लेखनि उपस्थिति रहेको थियो ।

म्यूजिक भिडियो लोकापर्ण कार्यक्रमको सभापतित्व स्टुडियो साउण्ड मिलमा प्रमुख प्रवन्ध निर्देशक महेश्वरमान राजभण्डारीले गरेका थिए ।