काठमाडौँ । इन्जा डे को अवसर पारेर बिभिन्न विधामा पत्रकारिता पुरस्कार प्रदान गरिएको छ। नेपाली पत्रकारहरुको अन्तर्राष्ट्रिय सन्जाल (इन्जा)ले हरेक वर्ष प्रदान गर्दै आएको पत्रकारिता पुरस्कार विभिन्न पत्रकारले फरक विधामा पत्रकारिता पुरस्कार प्राप्त गरेका छन् ।

यस बर्षको खोजि पत्रकरिका पुरस्कार कान्तिपुरकर्मी मातृका दाहाल र आईएनएस डट कमकी तारा वाग्लेलाई प्रदान गरिएको छ भने इन्जा बौद्धिक पत्रकारिता पुरस्कार जगत नेपाल र माधवप्रसाद तिवारीलाई प्रदान गरेका छन् त्यसै गरि इन्जा ग्रामीण पत्रकारिता पुरस्कार रेडियो समग्र १०७ सिरहा र सरिता चलाउनेले पाएका छन् । त्यस्तै फोटो पत्रकारिता पुरस्कारबाट नरेन्द्र श्रेष्ठ र सुरेशकुमार श्रेष्ठ पुरस्कृत भएका छन् ।

यसैगरी वरिष्ठ पत्रकारहरू रघु मैनाली‚ किरण वैद्य‚ कुमार यात्रु‚ जागरण मिडिया सेन्टरकी अध्यक्ष कमला विश्वकर्मा‚ शंकर भट्टराई, विजया साह र प्रदीप गुरुङलाई सभामुख घिमिरेले इन्जा सम्मान प्रदान गरेका छन् ।

पुरस्कार वितरण कार्यक्रम सभामुख देवराज घिमिरेको प्रमुख आथित्यमा सम्पन्न भएको थियो । पुरस्कार वितरण कार्यक्रममा पत्रकार लगायत बिभिन्न विधाका ख्याति प्राप्त व्यक्तित्वहरुको उपस्थिति रहेको थियो।