ट्रेन्डिङ

दोलखा । प्रेस युनियन नेपाल, बागमती प्रदेशको प्रथम महाधिवेशनबाट राजन बस्नेत सचिवमा निर्वाचित भएका हुन् । उनि खुला तर्फ निर्बिरोध निर्बाचित भएका हुन् ।

२०६८ साल बाट राष्ट्रिय सुपरीवेक्षण साप्ताहिकको कार्यकारी सम्पादक हुँदै पत्रकारिता सुरु गरेका बस्नेतले गौरीशंकर पोस्टको कार्यकारी सम्पादक , दोलखा समाचार पत्र , रातो गुराँस अनलाइन पत्रिका , नवनेपाल टाइम्सका प्रधान सम्पादक , दोलखा आवाजका प्रकाश / सम्पादक र मध्यान्ह राष्ट्रिय दैनिकमा समेत काम गरी लामो अनुभव बटुलेका बस्नेत एक दशक भन्दा बढी पत्रकारिता पेशामा निरन्तर सक्रिय हुँदै आएका छन् ।

राजनीति , शिक्षा , सहकारी , आर्थिक र सामाजिक विषयमा विशेष खोजमुलुक पत्रकारिता गरेका बस्नेतलाई दोलखामा सामाजिक अभियान्ताको रूपमा पनि चिनिन्छ । कलिलो उमेरबाट पत्रकारितामा हात हालेको बस्नेतले राष्ट्रिय पत्रपत्रिका र अनलाइनमा समेत उनको लेख रचना प्रकाशित भएका छन् ।

सामाजिक अभियान्ताको रूपमा स्थापित दोलखाका पत्रकार बस्नेतले ६ दर्जनभन्दा बढी राष्ट्रिय तथा स्थानीय पुरस्कार समेत हात पारि सकेका बस्नेत समाजको यथार्थ चित्रण र बास्तबिकतामा आधारित भएर सत्य , तथ्य र निस्पक्ष समाचार सङ्कलन तथा खोजमुलक पत्रकारिताले मात्र पत्रकारिता सम्मानित पेशा बन्ने दाबी गर्दछन् ।

चितवनको सौरहामा सम्पन्न प्रेस युनियन बागमती प्रदेशको प्रथम अधिवेशनले युवराज पुरीको अध्यक्षतामा २५ सदस्यीय प्रदेश समिति चयन गरेको थियो ।