रविन्द्रनारायण श्रेष्ठ नेपाली कांग्रेस दोलखा जिल्लाको आमन्त्रित सदस्यमा मनोनित
shares
काठमाडौँ । काठमाडौँको चावहिल स्थित एक होटेलमा एक कार्यक्रमको आयोजना गरि नेपाली कांग्रेस दोलखा जिल्ला कार्य समितिको आमन्त्रित सदस्य पदमा रविन्द्रनारायण श्रेष्ठलाई मनोनित गरेको छ। नेपाली कांग्रेस दोलखा जिल्ला कार्य समिति दोलखाको २०७९। ०९। १० मा बसेको बैठकको निर्णय अनुसार नेपाली कांग्रेस दोलखा जिल्ला कार्य समितिको सभापति बर्मा लामाको उपस्थितिमा श्रेष्ठलाई आमन्त्रित सदस्यमा मनोनित गरेको हो।
रविन्द्रनारायण श्रेष्ठसंगै गौरीशंकर गाउँपालिका -९ का दावाछिरिङ शेर्पा , कालिन्चोक गाउँपालिका -८ का खड्गप्रसाद शिवाकोटी नेपाली कांग्रेस दोलखा जिल्ला कार्यसमितिको आमान्त्रित सदस्यमा मनोनित भएका हुन्। उक्त कार्यक्रमममा भीनपा २ का उद्धव श्रेष्ठले नगर सदस्यको जिम्मेवारी पाएका छन् ।
आमन्त्रित सदस्यमा मनोनित कार्यक्रममा नेपाली कांग्रेस दोलखा जिल्ला कार्य समितिको प्रवक्ता राकेश श्रेष्ठ, युवानेत्री छिरिङ डोल्मा शेर्पा लगायत नेपाली कांग्रेस प्रति आस्था राख्ने महानुभावहरुको उपस्थिति रहेको थियो।
नेपाली कांग्रेस दोलखा जिल्ला कार्य समितिको आमन्त्रित सदस्य पदमा मनोनित हुनु भएका रविन्द्रनारायण श्रेष्ठ भीमेश्वर नगर दोलखा तरुण दलको संस्थापक उपाध्यक्ष पनि हुन्।
सम्पूर्ण मनोनित सदस्यहरुलाई समय सान्दर्भिक मिडियाको तर्फबाट हार्दिक बधाई तथा सफल कार्यकालको शुभकामना व्यक्त गर्दछौ ।
वि.सं.२०७९ माघ २९ आइतवार २१:३८
