काठमाडौँ । रास्ट्रिय स्वतन्त्र पार्टी भीमेश्वर नगरपालिका-काठमाडौँ उपत्यका विभागको बृहत नगर भेला भब्य रुपमा सम्पन्न भएको छ। कार्यक्रम केन्द्रीय सहमहामन्त्री तथा संगठन बिभाग प्रमुख कविन्द्र बुर्लाकोटीको प्रमुख आतिथ्यमा सम्पन्न भएको हो।

कार्यक्रममा पुर्व डिआइजी तथा केन्द्रीय नेता रमेश खरेल , केन्द्रीय सदस्य तथा काठमाडौं क्षेत्र न. २ का माननिय सोबिता गौतमले सम्बोधन गर्नु भएको थियो। त्यसै गरि कार्यक्रममा दोलखा रास्वपाका प्रतिनिधि सभा सदस्यका उमेद्वार जगदीश खरेल, समजसेवी राजन श्रेष्ठ , इन्जिनियर श्याम चन्द्र श्रेष्ठ, निरज गैले र हरि चौलागाईले मन्तब्य राखेका थिए।

आजको बृहत नगर भेलाले भीमेश्वर नगरपालिका काठमाडौँ सम्पर्क विभागको ९ वटै वडाको सम्पर्क बिभाग गठन गरिएको छ।

कार्यक्रममा दोलखा जिल्लाबासीहरुको बाक्लो उपस्थिति रहेको थियो। केहि शुभचिन्तकहरु दोलखाबाट समेत कार्यक्रममा सहभागिता जनाएका थिए।