काठमाडौं । प्रधानमन्त्री शेरबहादुर देउवाका छोरा जयवीरसिंह देउवा राजनीतिमा प्रवेश गरेका छन् । २६ वर्षका उनले गृहजिल्ला डडेल्धुराबाट नेपाली कांग्रेसको क्रियाशील सदस्यता लिएका हुन् ।

गन्यापधुरा गाउँपालिका–१ को वडा कमिटीको सिफारिसका आधारमा उनलाई कांग्रेसको क्रियाशील सदस्यता दिइएको हो ।  जयवीरले बेलायतको युनिभर्सिटी अफ योर्कबाट राजनीति शास्त्रमा एमए गरेका छन् । 

प्रधानमन्त्री देउवाले आफू पारिवारिक विरासतबाट राजनीतिमा आएको नभएकाले छोरालाई पनि उत्तराधिकारीका रूपमा नहेर्न विभिन्न अन्तर्वार्तामा बताउने गरेका थिए ।