दोलखालाई सांस्कृतिक शहरको रुपमा विकास गर्छु – भरत प्रधान
shares
दोलखा । नेपाली कांग्रेस दोलखाका नेता तथा भीमेश्वर नगरपालिका वडा न २ अध्यक्षका उम्मेदवार भरत प्रधानले दोलखा बजारलाई सांस्कृतिक शहरको रुपमा विकास गरिने बताएका छन् । बैशाख ३० गते हुने स्थानीय तहको निर्वाचनमा भीमेश्वर नगरपालिका २ का वडा अध्यक्ष उम्मेद्वार प्रधानले यस्तो बताएका हुन् ।
उनले दोलखालाई बिशेष शहरको रुपमा बिकाश गरि दोलखा भित्र रहेको मठमन्दिर, कला संस्कृति र धर्मको बिशेष रक्षा र प्रबर्दन गरि दोलखालाई आन्तरिक तथा बाह्य पर्यटनको आकर्षणको केन्द्र बिन्दु बनाउने पहलमा लागि पर्ने बताएका छन् ।
एक कार्यक्रमका अवसरमा प्रधानले सबै जातजाती भाषाभाषी र भेषभुषाको संरक्षणमात्रै होइन तिनै संस्कृति र भेषभुषाको आधारमा समृद्ध दोलखा बजार सहित सिंगो वडाको विकासका लागि आफु नेतृत्वको टोली ५ वर्षसम्म खटिने जनाएका छन् । उनि नेपाली कांग्रेस सहितको गठबन्धनका उम्मेदवार ईश्वर मानन्धरको प्यानलबाट चुनाबी मैदानमा छन् । सालीन स्वभाव , उच्च क्षमता , समझदारीपन र गरिब दुखीका पर्यायका रुपमा परिचित प्रधान भीनपा २ का प्रभावशाली नेता हुन् ।
दोलखा प्रवेश द्वारबाट नै दोलखाको सम्पूर्ण बस्तु स्थितिलाई नियाल्ने गरि पाखलती बजारलाई बिशेष आगमन स्थलको रुपमा विकास गरी लाने बताएका छन्। भीनपा २ का सम्पूर्ण टोलहरुमा बाटो पुर्राउने , मचिन्द्रनाथको मार्गलाई मर्मत सम्हार गर्नुका साथै अन्य धेरै विकासका याेजनाहरु अघि सादै आगामी निर्वाचनमा आफ़्नाे जित निश्चित भएको बताएका छन्।
वि.सं.२०७९ वैशाख १५ बिहीवार ०८:५२