ट्रेन्डिङ

काठमाडौं । जीर्ण सडकले जनजीवन कष्टकर बन्दा पनि मर्मतमा चासो नदिएको भन्दै स्थानीयले चोभार-जलविनायक-टौदह सडकखण्ड अवरूद्ध पारेका छन् । सडक अबरुद्ध गर्दा काठमाडौँबाट र दक्षिणकालीबाट हिडेका सवारी साधनहरु केहि बेर रोकिएका थिए । सडक जिर्ण भएर चोभारदेखि दक्षिणकालीसम्म छुइ सक्यो। अहिलेसम्म कसैको चासो देखिएको छैन।

बागमती प्रदेशको राजधानी हेटौंडा र काठमाडौं आउ-जाउ गर्ने मुख्य सडक जीर्ण बन्दा यात्रा कष्टकर बनेको छ । साथै पानी पर्दा हिलो र घाम लाग्दा धुलो उडेर स्थानीयवासी हैरान छन् । बागमती प्रदेशका मुख्यमन्त्रि लगायत नेता मन्त्रि यहिबाटो हुदै दिनहु हिडछन तर जिर्ण सडक देखदैन।

• 

• 

• 

दक्षिणकाली नगरपालिकाका जनतालाई दिनहु काठमाडौँ आवत जावत गर्न समस्या परेको छ। जसको चासो न स्थानीय नगरपालिका दक्षिणकालीका जनप्रतिनिधिलाई छ, न त छिमेकी किर्तिपुर नगरपालिकालाई नै चासो छ। त्यस्तै प्रदेश संघ कसैलाई पनि जिर्ण सडकको बारे चासो नभएका कारण स्थानीय जनता सडकमा आउन बाध्य भए। त्यस्तै सडक बिग्रिनुमा मुख्य कारण पानी ट्यांकी पनि हो। त्यस्तै कति ठाउमा सडक तथा ढल नै छोपिने गरि निर्माण सामग्री राखेर सडक बिगार्नुमा जनताको पनि हात पनि छ।

सडक मर्मत गर्न दक्षिणकाली र किर्तिपुर नगरपालिकाले सहकार्य गरेको खण्डमा कहिले पनि सडक जिर्ण नहुने स्थानीय बासीको भनाई रहेको छ।