दोलखा संवाददाता । भीमेश्वर नगरपालिका वडा नं. २ का वडा अध्यक्ष स्टालिन श्रेष्ठले आफ्ना वडाबासीलाई कहिल्यै पनि दःुख नदिने उद्घोष गर्नु भएको छ । समय सान्दर्भिक मिडियासँगको कुराकानीमा अध्यक्ष श्रेष्ठले यस्तो कुराको उद्घोष गर्नु भएको हो ।

आफ्नो कार्यकालको पहिलो काम वडा कार्यालय पाखलति स्थित भीमेश्वर नगरपालिकाकै भवनमा सारेर लोकप्रिय र जनप्रिय कामबाट कार्यकाल शुरु गर्नुभएको थियो । वडा कार्यालय सार्ने कामसँगै वडा कार्यालय नजिकै रहेको सार्वजनिक शौचालयलाई पनि ब्यबस्थित र सरसफाई गरि प्रयोगमा ल्याउनु भएको छ । वडा अध्यक्ष श्रेष्ठ एक कुशल राजनीतिज्ञ र समाजसेवा प्रति रुचि राख्ने भएकाले पनि उहाँको ५ बर्षे जनतासँगको स्थानीय सरकारको कार्यकाल फलदायी रहने देखिन्छ । जसका लागि अध्यक्ष स्वयम् दिन रात नभनी खटि रहको अवस्था छ ।

• 

• 

• 

हामीसँगको कुराकानीमा पनि अध्यक्ष श्रेष्ठले भन्नुभयो , आज पनि म बिहान ६ बजे देखि अहिले ७ बजेसम्म पनि जनताकै काममा दौडधुप गरेका छु । त्यसकारण मलाई जनताको काम गर्न र जनताको दुख सुखमा हातेमालो गर्न कुनै पनि अप्ठ्यारो लाग्ने छैन र ढिलासुस्ति पनि गर्ने छैन । अध्यक्ष श्रेष्ठले विकासका अपुरा कामलाई पुरा गर्ने, नयाँ कामको थालनी गर्ने, बाटो नपुगेको ठाँउमा बाटो पु¥याउने, सोलिङ गर्ने पक्की पिच गर्ने आदी योजना अघि सार्नु भएको छ । सिचाई, खानेपानी, शिक्षा र स्वास्थ्यमा बिशेष सुधारको काम गर्ने जिकिर गर्नु भयो ।
वडा भित्र कसैले सार्वजनिक जग्गा मिचेको या आफनो बनाएको भए वा घर नै बनाएको भए पनि उक्त कार्यको प्रकृति हेरेर घर भत्काउनु परे पनि पछि नपर्ने बताउनु भयो । त्यसै गरि अतिक्रमण जमिनलाई नापी तथा अमिन ल्याई वडा तथा सरकारको स्वामित्वमा ल्याउने पहल गरिने समेत जानकारी गराउनु भयो ।

वर्षाका कारण वडा भित्रका कतिपय स्थानमा क्षति भएकोमा दुख व्यक्त गर्दै राहत तथा अन्य सहयोगका लागि बिशेष ध्यान दिएको बताउनु भयो । तल्लो टोलको राईति (तीनधारा) देखि टसिचासम्मको बाटोमा ढुङ्गा छाप्न १० लाख बजेट बिनियोजन गरेको जानकारी गराउनु भयो । त्यसै गरि तल्लो टोलमै रहेको वडा कार्यालय भवन बनाउनका लागि २० लाख रकम छुट्याएको पनि बताउनु भयो । उहाँले आफ्नो कार्यकालमा वडालाई हेर्न र देख्न लायकको काम गरेर अघि जाने तर्क अघि सार्नु भयो ।

सिंहवनबाट बनेको बाटो त्यति सान्दर्भिक नभएतापनि विकल्प नहुँदा यसैबाटोलाई नै निरन्तरता दिनु परेको उहाँले बताउनु भयो । यदि अन्य स्थानबाट बाटो बनाउन सकिने भए सिंहबनलाई तारबार गरेर मिनि चिडियाखाना बनाउन सकिने र यसका लागि बिशेष पहल गरिने पनि बताउनु भयो । आफ्ना वडावासीलाई दःुख नहोस् र राहत होस् भनेर सामाजिक सुरक्षा भत्ता घर घरमै लगेर बाडिने योजना पनि अघि सारेको बताउनु भयो ।

सामाजिक सुरक्षा भत्ता ने बेलामा निशुल्क स्वास्थ्य परीक्षण तथा उपचार गरिएको बताउनु भयो । पशुुहरुका लागि पनि निशुल्क स्वास्थ परिक्षणका साथै औषधी बितरण गरिएको समेत जानकारी गराउनु भयो । बाँकी कुरा अध्यक्ष कै कुराकानीबाट प्रष्ट हुनेछ ।