ट्रेन्डिङ

काठमाडौँ । ग्यास विस्फाेटबाट घाइते हुनुभएका सांसद चन्द्र भण्डारीलाई थप उपचारका लागि भारतको मुम्बई लैजाने तयारी गरिएको छ । त्यसका लागि त्रिभुवन अन्तर्राष्ट्रिय विमानस्थलमा श्री एअरलाइन्सको विमान तयारी अवस्थामा छ ।

‘विमान तयारी अवस्थामा छ, उहाँहरू आउनेबित्तिकै उड्छ’, श्री एअरलाइन्सका व्यवस्थापक अनिल मानन्धरले भन्नुभयो । डाक्टर र आफन्तसहितको टोली मुम्बई जान लागेको भण्डारीको सचिवालयले जनाएको छ ।

काठमाण्डौको बुद्धनगरमा रहेको घरमा बुधवार राति साढे १० बजे ग्यास सिलिन्डर विस्फोट हुँदा भण्डारी र उहाँकी आमा जलेर घाइते हुनुभएको थियाे । उहाँहरूलाई राति नै कीर्तिपुर अस्पताल लगिएको थियो । ग्यास लिक भएपछि आगलागी भएकाे प्रहरीले जनाएको छ ।