दोलखा । लोकतान्त्रिक गणतन्त्रका प्रथम राष्ट्रपति स्व.गिरिजाप्रसाद कोईरालाको १३ औ स्मृति दिवसको अवसरमा जिपी फ़ाउण्डेशन दोलखा र नेपाल रेडक्रस सोसाईटी भिनपा -२ उपशाखा दोलखाको संयुक्त आयोजनामा रक्तदान कार्यक्रम सम्पन्न भएको छ। कार्यक्रमको संयोजन जिपी फ़ाउण्डेशन दोलखाले गरेको हो।

रक्तदान कार्यक्रममा भीमेश्वर नगरपालिकाका प्रमुख ईश्वरनारायण मानन्धरको प्रमुख आतिथ्यतामा सम्पन्न भएको थियो । उक्त कार्यक्रममा १७ जना रक्तदाताले रक्तदान गरेका थिए ।

कार्यक्रममा नेपाल रेडक्रस सोसाइटी जिल्ला शाखाका दोलखाका सभापति ईश्वरी दाहाल, जिल्ला नापी कार्यालय दोलखाका प्रमुख अशोक श्रेष्ठ, समाजसेवि हर्कबहादुर श्रेष्ठ, द्वालखा गुठीका अध्यक्ष बिनोद मास्के , उज्यालो भबिष्य संस्था दोलखाका अध्यक्ष राजन बस्नेत , नेपाल बिधार्थी संघ दोलखाका अध्यक्ष सौगात थापा, समाजसेवि कल्याणदेबि श्रेष्ठ लगाएतको उपस्थिति रहेको थियो।

कार्यक्रम सफल पार्न सहयोग गर्नुहुने सम्पूर्ण रक्तदाता , नेपाल रेडक्रस जिल्ला शाखा दोलखा, मेडिकल टिम र सहयोगीहातहरुलाई आयोजक संस्था जिपि फ़ाउण्डेशन दोलखाका अध्यक्ष राकेश श्रेष्ठले धन्ययवाद ब्यक्त गरेका थिए।

उक्त कार्यक्रम नेपाल रेडक्रस सोसाइटी भिनपा-२ उपशाखाका अध्यक्ष बिना श्रेष्ठको अध्यक्षतामा सम्पन्न भएको थियो ।