काठमाडौँ । चिरायु नेसनल हस्पिटल एण्ड मेडिकल ईन्टिच्युट प्रा.लि. को सहयोगमा, एन. एफ. एच इभेन्टस प्रा.लि.को सहकार्यमा दोलखा स्थित ४ स्कुललाई स्वास्थ्य सामग्री हस्तान्तरण गरेको छ । बुधवार चिरायु अस्पतालमा भएको एक कार्यक्रममा उक्त स्वास्थ्य सामग्री एन. एफ. एच इभेन्टस प्रा.लि. का अध्यक्ष हेमा मानन्धरलाई हस्तान्तरण गरेको हो।

उक्त कार्यक्रममा इमजेन्सी सिक रुम बनाउनका लागि बेड सिड, औषधी, ब्हील चियर, सिरानी र बेड सहयोग गरेको हो । एन. एफ. एच इभेन्टस मार्फत दोलखा जिल्लाका चारवटा स्कूललाई उक्त सहयोग सामग्री हस्तान्तरण गरेको हो।

एन. एफ. एच इभेन्टस प्रा.लि. का अध्यक्ष हेमा मानन्धरले सहकार्य र आत्मीयता सधै रहिरहोस् भनि हस्पिटल परिवारलाई धन्यवाद दिनु भयो। त्यसै गरि हस्पिटलका निर्देशक चन्डेश्वर बैद्यले सहयोग र सहकार्य गर्नै मौका उपलब्ध गराएकोमा एन. एफ. एच परिवारलाई धन्यवाद दिनु भयो ।

स्वास्थ्य सामाग्री हस्तान्तरण कार्यक्रम हस्पिटल परिवारका सदस्य र एन. एफ. एच का अलावा मिस नेवा कृषा महर्जन लगायतको सहभागिता रहेको थियो।