पूर्व प्रहरी महानिरीक्षक बरालको निधन
shares
काठमाडौँ । नेपाल प्रहरीका पूर्वमहानिरीक्षक खड्गजीत बरालको आज बुधवार ९३ वर्षकाे उमेरमा आफ्नै निवास महाराजगञ्जमा निधन भएको छ । विसं २०२९ साउनदेखि २०३५ जेठसम्म नेपालका नवौँ प्रहरी महानिरीक्षक भएका उनि राजदूत पनि भनेका थिए ।
बरालले प्रहरी सङ्गठनको प्रणाली विकास गर्ने सिलसिलामा महत्त्वपूर्ण योगदान गर्नुभएको प्रहरी प्रवक्ता वसन्तबहादुर कुँवरले बताएका छन् । प्रहरीको रासन व्यवस्थापन, ब्यारेक, अस्पताल र प्रहरी स्कुल बनाउनमा उनको महत्त्वपूर्ण योगदान रहेको प्रहरी अधिकारीहरू स्मरण गर्छन् ।
नेपाल प्रहरीको श्रीवृद्धि र उन्नतिमा अतुलनीय योगदान दिएका उनि सङ्गठनको युगपुरुषका रूपमा स्थापित हुनुभएको प्रहरी प्रधान कार्यालयले उल्लेख गरेको छ । पूर्वसांसद बरालको आजै आर्यघाटमा अन्त्येष्टि गरिने जनाइएको छ ।
वि.सं.२०७८ जेठ ५ बुधवार १८:०७