अभयपुर युवा क्लव दोलखाको सामजिक कार्यमा महत्वपूर्ण योगदान
shares
दोलखा संवाददाता । दोलखा बजारको प्रवेश द्धारलाई आकर्षक बनाउन दोलखामा केही युवाहरु सक्रिय रुपमा लागि परेका छन् । दोलखा बजारको बसपार्क लगायत अन्य क्षेत्रको ब्यवस्थापन र सुन्दरतामा दिलो ज्यान लगाएर अभयपुर युवा क्लवका युवाहरु खटेका छन् ।
उक्त क्लवको अगुवाईमा दोलखा बजारको प्रस्थान बिन्दु पाखलति बसपार्कलाई आकर्षक र सुन्दर बनाउनका लागि भीम माध्यमिक बिद्यालयको मुल गेट नजिकै रहेको सार्वजनि शौचालयको मर्मत सम्भार गरि सफा र प्रयोगका लागि अनुकूल बनाइ दिएका छन् । साथै नगरपालिकाको स्वामित्वमा रहेको भवनको अगाडि मुल सडकको आकर्षणलाई थप सुन्दतामा टेवा पुग्ने गरि बिश्राम स्थल र टेवुलटेनिस बोर्डको समेत निर्माण गरि आफनो जन्मभुमि प्रति उच्च माया र बिकासको रङ भरिदिएका छन् ।
भीम माध्यमिक बिद्यालयको मुल गेटमा बिद्यार्थीलाई आवत जावत गर्न सजिलो होस् भनेर जेव्राक्रसिङ लाईन समेत बनाइ दिएका छन् । जुन कार्य सडक बिभागले बनाउनु प¥थ्र्यो । साथै भीम माध्यमिक बिद्यालयको परिसर देखि गौरीशंकर हस्पिटलसम्मको ब्यस्त सडकमा रङ रोगनका साथै सकडको बिच भागमा डिभाइडर राखेर सडक ब्यवस्थापनमा समेत महत्वपूर्ण योगदान दिएका छन् ।
युवाहरुको बिकास तथा दोलखा प्रतिको माया र सद्भाव देखेर दोलखा बजार र दोलखा बजार भन्दा अन्यत्र काठमाडौँ तथा देश बाहिर रहनु भएका दोलखालीलाई पनि सहयोगको भावना उजागर गर्ने प्रेरणा मिलेको छ । जस्का भावजुद केहि दोलखा प्रति माया राख्ने युवाहरुले आफूले बिदेशमा आर्जेका केहि रकम दोलखा बिकासका लागि उक्त क्लवलाई हस्तान्तरण गरेका छन् । जुन हामी सबैका लागि आफ्नो जन्मथलो प्रति सहयोग गर्नका लागि प्रेरणा मिलेको छ । साथै अन्य दोलखाली समाजसेवी तथा दोलखा प्रति अघाद माया गर्न ब्यक्तित्वहरुले पनि क्लवले गरेको उक्त कार्य देखेर सहयोग दिदै आएका छन् । उक्त सहयोग निरन्तर जारी रहेको छ दोलखालीहरुको तर्फबाट । क्लवको अगुवाईमा अहिले दोलखा बजार सुन्दर र बिकसित बनाउने अभियान चलाएका छन् , जुन आफैँमा सुन्दर र महान् कार्य हो ।
सक्नेले आर्थिक सहयोग गर्ने नस्कनेले नैतिक सहयोग तथा राम्रो कामको समर्थन गर्ने कसैले पनि राम्रो कामको शुरुवातिमा बिरोध तथा खुट्टा तान्ने काम नगरौ । सबै एक भएको खण्डमा मात्र चाहेको लक्ष्यसम्म पुग्न सकिन्छ ।
क्लवकै अगुवाइमा कोभिड पिडितहरुलाई समेत खाद्यान्न सहयोग जस्ता मानवीय कार्य पनि गर्दै आइरहेका छन् । आगामी दिनमा दोलखा प्रति सामाजिक कार्यमा अझ धेरै लगाव बढोस् शुभकामना तथा कार्य सफलताको कामना गर्दछौँ, अभयपुर युवा क्लवलाई ।
यस कार्यमा हाम्रो समय सान्दर्भिक मिडियाको पूर्ण समर्थन र सहयोग रहनेछ, चाहिएको खण्डमा आर्थिक नैतिक जुनसुकै तवरले सहयोग गर्न तयार छौँ ।
वि.सं.२०७८ जेठ १९ बुधवार २०:५२