युवानेता राकेश श्रेष्ठको पहलमा शैक्षिक सामाग्री बितरण
shares
दोलखा सम्वाददाता । दोलखा जिल्लाको भीमेश्वर नगरपालिका वडा न:४ स्थित सर्व माविका ८४ जना विद्यार्थीहरुलाइ स्टेसनरी सहित स्कुल ब्याग बितरण गरिएको छ । आज आइतबार एक कार्यक्रमको आयोजना गरी कक्षा १ देखि ५ कक्षा सम्मका ८४ जना विद्यार्थीहरुलाई शैक्षिक सामाग्री बितरण गरेको हो ।
सफा सुनौलो नेपालको समवन्य र चाईना फाउन्डेसनको आर्थिक सहयोगमा दोलखा जिल्लाको कक्षा १ देखि ५ कक्षासम्मका बिधार्थीहरुलाई स्कुल ब्याग ,स्टेसनरी र कलरसेट बितरण गरिएको छ । दोलखा जिल्लाका भिम मावि दोलखा , त्रिभुवन मावि मेलुग, कालिन्चोक मावि चरिकोट, गुजर्पा निमावि लापिलाग, चेर्दुगं प्रावि जिरी, बिरेन्द्र मावि सैलुंग, सर्ब मावि जिलु र राजकुलेश्वर निमावि दोलखा गरि २६ विद्यालयकालाई सहयोग गरेको सुनौलो नेपाल दोलखाका कार्यक्रम संयोजक राकेश श्रेष्ठले समय सान्दर्भिक अनलाईनलाई जानकारी गराए ।
उक्त कार्यक्रममा नेपाली काङ्ग्रेस दोलखाका नेता इश्वर नारायण मानन्धर, सामाजिक अभियानता राजन बस्नेत , सर्ब मावि जिलुका ब्यबस्थापन समितिका अध्यक्ष कबिन्द्र दास श्रेष्ठ , सर्ब मावि जिलुका प्रद्यानाध्यापक बिश्वमणि चौलागाईं , नेपाल किसान संघकि जिल्ला सचिब मेनका चौलागाईं , स्थानीय नेता भोजराज चौलागाईं , लगायतको सहभागिता रहेको थियो ।
नेपाली कांग्रेस दोलखाका नेता ईश्वरनारायण मानन्धरको प्रमुख आतिथ्यतामा भएको कार्यक्रममा सफा सुनौलो नेपालका जिल्ला संयोजक राकेश श्रेष्ठ को सभापतित्वमा सम्पन्न भएको थियो भने कार्यक्रमको संचालन राजन बस्नेतले गरेका थिए ।
वि.सं.२०७८ साउन ३ आइतवार २२:४१
