निस्वार्थ समाजसेवा गर्दै, दाताहरुको मन जित्दै सामाजिक अभियन्ता शेरचन
shares
काठमाडौँ । सामाजिक अभियन्ता अनुउर्मिला शेरचनले निस्वार्थ समाजसेवा गर्दै आएकी छन् । समाजसेवा मार्फत राष्ट्रिय तथा अन्तर्राष्ट्रिय दाताहरुको मन जिती रहेकी छन् । उनले समाजसेवाबाट दीनदुखी , गरिब , बिरामी लगायत अप्ठ्यारोमा परेकाहरुलाई सहयोग गर्दै आइरहेकी छन्।
सामाजिक अभियन्ता शेरचनले विभिन्न दाताबाट उपलब्ध सहयोग रकम भक्तपुर क्यान्सर अस्पताल पुगी बोन क्यान्सरबाट पिडित ७ बर्षकी सानी नानी अन्सु श्रेष्ठ र नर्भिक अस्पतालमा उपचार्थ कलाकार निशा घिमिरे लाई हस्तान्तरण गरेकी छन् । त्यसका अलावा काठमाडौंका विभिन्न स्थानमा पुगेर खाद्य सामाग्री वितरण गरेकी छन् ।
यसैबीच, शेरचनले एकै दिन १ सय १८ परिवारलाई आफैं उपस्थित भएर खाद्यान्न वितरण गरेकी छिन् । सुकेधाराको सृजना बस्तीमा रहेको सुकुम्बासी बस्तीका ८२ , थापाथली सुकुम्बासी बस्तीका २२ घर–परिवार, जन आन्दोलनमा घाईते भएकाहरू, पहिलो र दोस्रो अभियानमा राहत लिन छुटेका ४ घर–परिवार तथा कपन बस्तीका १० घर–परिवारलाई खाद्य सामग्री वितरण गरेकि छन् ।
निस्वार्थ समाजसेवामा लागेकी शेरचन आफ्नो घर परिवारको काम सकाएर बचेको समय निकाली समाजसेवामा दित्त चित्त भएर अहोरात्र खटिरहनु भएकि उनि दीनदुःखी, असाहय, बिरामी सबैको सहयोगमा निरन्तर लागि परेकी छिन् । शेरचन पछिल्लो समय समाजसेवामा सक्रिय भएर लागि परेकी छन् ।
समाचसेवी शेरचनले व्यक्तिगत अभियानमार्फत नै समाजसेवामा निरन्तर लागिपरेकी छिन् । उनको समाजसेवाबाट प्रभावित भइ धेरै दाताहरुले उनि मार्फत समाजसेवा गर्न सहयोग रकम उपलब्ध गर्दै आइ रहेका छन् । उनको समाजसेवाको मुख्य आकर्षण भनेकै पारदर्शी र सहयोग रकम आफू स्वयम् उपस्थित भएर हस्तान्तरण गर्नु नै हो । यसै कारण पनि दाताहरु र घर परिवार खुशी छन् । समाजसेवी शेरचन सबैको प्रेरणाको श्रोत र समाजप्रति आस्था जगाउने एक उज्यालो नक्षेत्रको रुपमा उदाएकी छन् ।
उनको सामाजिक अभियानमा सहयोग गर्नु हुने दाता र सहयोगी मनका साथै उनको हरेक अभियानमा प्रत्यक्ष र अप्रत्यक्ष रुपमा सहयोगी गर्नु हुने मनहरू, दाताहरूप्रति हृदयदेखि नै आभार तथा धन्यवाद व्यक्त गरेकी छन् ।
वि.सं.२०७८ साउन ७ बिहीवार २१:१२