काठमाडौँ । आज शनिवार काठमाडौँको नागार्जुन नगरपालिका वडा नं. ३ कोे शुभकामना आदान प्रदान तथा सम्मान कार्यक्रम सम्पन्न भएको छ । कार्यक्रमको आयोजना नागार्जुन नगरपालिकाको वडा नं. ३ ले आयोजना गरेको हो ।

नेपालीहरुको महान् पर्व शुभ दीपावली, नेपाल सम्वत् , छठ तथा ल्होसारको अवसर पारेर आयोजित शुभकामना तथा सम्मान कार्यक्रममा १० जना जेष्ठ नागरिकहरुलाई सम्मान गरिनुका साथै प्रदेश स्तरिय फुटसलमा दोस्रो स्थान हासिल गर्न सफल खेलाडीहरुलाई सम्मान गरिएको थियो ।

• 

• 

• 

उक्त शुभकामना आदान प्रदान तथा सम्मान कार्यक्रममा पूर्व इचङ्गु गाविसका अध्यक्ष, उपाध्यक्ष र जनप्रतिनिधिहरुलाई उनीहरुको उल्लेखनीय योगदानको कदर गर्दै सम्मान गरिएको थियो । कार्यक्रममा पूर्व शहरी बिकास राज्यमन्त्री रामवीर मानन्धर, प्रदेश सांसद प्रकाश श्रेष्ठ, नागार्जुन नगरपालिकाका प्रमुख मोहन बस्नेत , जनप्रतिनिधि र वडावासिहरुको उल्लेखनीय उपस्थिति रहेको थियो ।

• 

• 

• 

कार्यक्रममा बिविध मनोरञ्जनात्मक नृत्य कार्यक्रम राखिएको थियो । उक्त कार्यक्रममा उपस्थित महानुभावहरुका लागि समयबजिको समेत आयोजक संस्थाले ब्यवस्था गरिएको थियो ।

• 

• 

• 

• 

कार्यक्रम नागार्जुन नगरपालिका वडा नं. ३ का अध्यक्ष प्रेमलाल श्रेष्ठको अध्यक्षतामा सम्पन्न भएको थियो ।