जिम्बाब्वेसँगकाे पहिलाे टी–२० बङ्गलादेशले आठ विकेटले जित्याे
shares
काठमाडौँ । जिम्बाब्वेसँगको पहिलो टी–२० क्रिकेट बङ्गलादेशले आठ विकेटले जितेको छ । हरारेमा जिम्बाब्वेले दिएको एक सय ५३ रनको लक्ष्य बङ्गलादेशले सात बल बाँकी छँदै मात्र दुई विकेट गुमाएर भेटायो ।
बङ्गलादेशको जितमा मोहम्मद नइमले ६३ र सौम्य सरकारले ५० रन बनाए । यसअघि पहिले ब्याटिङ गरेको घरेलु टोली जिम्बाब्वेले १९ ओभरमा अलआउट हुँदै एक सय ५२ रन बनाएको थियो । जिम्बाब्वेका लागि रेगिस चाकभले सर्वाधिक ४३ रन बनाए । बलिङतर्फ बङ्गलादेशका मुस्ताफिजुर रहमानले सर्वाधिक तीन विकेट लिए ।
विश्व वरीयतामा बङ्गलादेश दशौँ र जिम्बाब्वे एघारौँ स्थानमा छन् । यसअघि भएको तीन खेलको एकदिवसीय शृङ्खला बङ्लादेशले जितेको थियो । तीन/तीन खेलको टेस्ट, एकदिवसीय र टी–२० का लागि बङ्गलादेश जिम्बाब्वे भ्रमणमा रहेको छ ।
वि.सं.२०७८ साउन ७ बिहीवार २२:१६