छिजी द्वाल्खा डोवर मानवसेवामा समर्पित
shares
मानवसेवा नै ठूलो धर्म हो
समय सान्दर्भिक संवाददाता
काठमाडौँ । छिजी द्वाल्खा डोवर संस्थाले बालाजु शिव मन्दिरको प्राङ्गणमा नियमित भोजन गराउने कार्यमा सहयोग गरि २ सय जनालाई खाना खुवाएर मानविय धर्म निभाएका छन् । बालाजु संरक्षण समिति तथा जागृति युवा क्लवले नियमित भोजन गराउने सत्कर्ममा दोलखाली चेलीहरुले पनि भोजनका लागि सहयोग गरेका हुन् ।
भोजन वितरण कार्यलाई सफल पार्न सहयोग गर्नु हुने सहयोगी सामाजिक अभियन्ता शंकर जोशी, पत्रकार कृष्ण नारायण श्रेष्ठ , सम्पादक त्रिलोचन प्रधान , फोटो पत्रकार अनुप श्रेष्ठ, महिला नेतृ कल्पना श्रेष्ठ महर्जन, समाजसेवी रामदेवी प्रधान, अन्जु श्रेष्ठ, बिमा शाक्य , सावित्री श्रेष्ठ, कुसुम श्रेष्ठ, रिधिसा श्रेष्ठ तथा समाजसेवी सञ्जय गुरुङ र उनको टिम साथै प्राइम कलेजलाई संस्थाको तर्फबाट अध्यक्ष रिना श्रेष्ठले हार्दिक कृतज्ञता व्यक्त गरिन् ।
बालाजु संरक्षण समिति तथा जागृति युवा क्लबका अध्यक्ष सञ्जय गुरुङले विष्णुमती पुलको किनारमा रहेको शिवमन्दिरमा हरेक शनिवार गरिव, अशक्तहरूलाई दानीहातहरूको सहयोगले निशुल्क खाना खुवाउने कार्यमा सहयोग गरेकोमा छिजि द्वाल्खा डोवर लगायत सवै सहयोगीहरुलाई कृतज्ञता व्यक्त गरे ।
लकडान अवधि भर प्रत्येक दिन नै गरिव, अशक्त, बिरामी र बेरोजगार सबैलाई खाना तथा भोजन गराउने ब्यवस्था गर्दै आएको जागृति युवा क्लवका अध्यक्ष सन्तोष थापा मगरले बताए ।
अन्य सहयोगी महानुभावहरुलाई पनि यस पुण्य कार्यमा सहयोग गर्न उक्त संस्थाका सदस्यले अनुरोध गरेका छन् ।
वि.सं.२०७७ असोज ४ आइतवार २०:२३