काठमाडौ । नेकपा एमालेको लामो समय स्थगित हुँदै आएको केन्द्रीय कमिटीको बैठक शुरु भएको छ । ललितपुरको च्यासलस्थित तुल्सीलाल स्मृति प्रतिष्ठानमा बसेको बैठकबाट अब भने वरिष्ठ नेता नेपाल र झलनाथ खनाल समूहलाई छोडेर नै अघि बढ्नेगरी निर्णय हुने तयारी छ । आज विधान संशोधन लगायतका विषयमा निर्णय हुनेछ ।

एमालेको सोमबार बसेको स्थायी कमिटीको बैठकले अध्यक्ष र महासचिवबाहेक सबै पद मनोनीत गर्ने गरी विधान संशोधनको निर्णय गरेको थियो । यो प्रस्ताव केन्द्रीय कमिटी बैठकमापनि राखिएको छ । कमिटीले पारित गरेको खण्डमा अब एमालेमा वरिष्ठ नेता भन्ने पद रहने छैन ।

जसले अध्यक्ष र महासचिव पद जित्छ उनीहरुकै नेतृत्वमा बाँकी मनोनितको प्रक्रिया अघि बढ्नेछ । बैठकमा महाधिवेशन केन्द्रित अन्य विषयमा पनि छलफल हुने उहाँले जानकारी दिनुभयो ।

नेपाल पक्षले महाधिवेशन केन्द्रीत गतिविधि रोक्न दवाव दिइरहेका बेला अध्यक्ष केपी शर्मा ओली समूहले एकलौटी ढंगमा अघि बढ्ने निर्णय लिदै आएको छ । यसले अब एमालेबाट वरिष्ठ नेता नेपालकै पछि लाग्ने नेताहरु छोडिनेछन् ।