काठमाडौं । पुपवा न्युगिनी (पीएनजी) सँगकाे दाेस्राे मैत्रीपूर्ण एकदिवसीय क्रिकेटमा नेपाली पुरुष टाेलीले दुई सय ३४ रनकाे लक्ष्य दिएकाे छ । अल अमिरात क्रिकेट मैदानमा टस जितेर ब्याटिङ गरेकाे नेपालले ४९ ओभर ३ बलमा अलआउट हुँदै दुई सय ३३ रन बनाएकाे हाे ।

नेपालका लागि राेहित पाैडेलले अर्धशतकीय पारी खेले । त्यस्तै कप्तान ज्ञानेन्द्र मल्लले ४५ रनकाे याेगदान गरे । अलराउन्डर करण केसीले ४२ रनकाे उत्कृष्ट पारी खेले । 

४० ओभर ५ बलमा टिमको स्कोर एक सय ६६ हुँदा सोमपाल कामी आउट भएपछि सातौँ विकेटका लागि करण केसी क्रिजमा आएका थिए । उनले २६ बलमा  दुई चाैका र चार छक्काकाे मद्दतमा ४२ रनकाे याेगदान गरेका हुन् ।  

करण केसी आउट हुँदा उनकाे स्ट्राइक रेट एक सय ६१ दशमलव ५२ थियाे ।