मिस नेवाहरुबाट योमरी बनाउँदै
shares
काठमाडौँ । आज एक कार्यक्रमको आयोजना गरी नेप्लिज फेशन होमको कार्यालयमा योमरी बनाउने कार्य सम्पन्न भएको छ । बिगतका बर्ष झै यस बर्ष पनि मिस नेवाहरुबाट नेवारी परिकार योमारी बनाएर आफनो मौलिक कला तथा संस्कृतिको जगेर्ना गरेका छन् ।
उक्त कार्यक्रमको उद्घाटन सञ्चार विज्ञ राजेन्द्र मानन्धरले पानसमा दियो बाली उद्घाटन गर्नु भएको थियो ।
मिस नेवामा प्रतिस्पर्धि नेवारी सुन्दरीहरुलाई योमरी बनाउन सिकाउनुका साथै योमरी बनाउने प्रतिस्पर्धाको आयोजना पनि गरेको थियो ।
आयातीत संस्कृतिलाई भन्दा आफनो मौलिक कला तथा संस्कृतिलाई जोगाई राख्नु पर्नेमा बिशेष जोड दिनु पर्ने नेप्लिज फेशन होमकी अध्यक्ष हेमा मानन्धरले बताउनु भयो । साथै भोलीका सन्ततीलाई पनि आज संस्कार जोगाई राख्नु पर्नेमा अध्यक्ष मानन्धरले बिशेष जोड दिनुभयो ।
नेप्लिज फेशन होमले प्रत्येक बर्ष योमरी पुन्यको दिन आफनै कार्यालयमा उक्त नेवारी परिकार बनाउने गर्दछ । उक्त कार्यक्रम सञ्चार विज्ञ मानन्धरको बिशेष आतिथ्यमा सम्पन्न भएको थियो ।
कार्यक्रममा बिशेष अतिथि कराँते संघका अध्यक्ष अशोक कुमार श्रेष्ठ, गोरखापत्र संस्थानका पत्रकार दीपक बिहिन , इभेण्ट अर्गनाईजर खगेस रन्जितकार, पत्रकार तथा क्यामेरामेन भुपेन्द्र निरौला तथा समय सान्दर्भिक पत्रिकाका सम्पादक त्रिलोचन प्रधानको उपस्थिति रहेको थियो ।
वि.सं.२०७७ पुस १५ बुधवार २०:२१