निर्मला पन्तको हत्यारालाई कारबाही गरिने: गृहमन्त्री लामिछाने
shares
काठमाडौँ । उप-प्रधान तथा गृहमन्त्री रवि लामिछानेले निर्मला पन्तको बलात्कार हत्याबारे न्यायिक छानबिन गर्ने निर्णय गरेका छन् ।गृहमन्त्रीको कार्यभार समाल्दै लामिछानेले ‘निर्मला पन्तको हत्याबारे न्यायिक छानबिन गर्ने निर्णय गरेका हुन् ।
नवनियुक्त गृहमन्त्री लामिछानेको निर्णयहरु निर्मला पन्तको हत्यारा पत्ता लगाउने, कञ्चनपुरको भिमदत्त नगरपालिका उल्खाटामकी निर्मला पन्तको १० साउन २०७५ मा बलात्कारपछि हत्या भएको थियो । अहिलेसम्म उनको हत्यामा संलग्न आरोपीलाई प्रहरीले पक्राउ गर्न सकेको छैन ।
उपप्रधान तथा गृहमन्त्री रवि लामिछानेले कञ्चनपुरमा बलात्कारपछि हत्या गरिएकी निर्मला पन्तको न्यायका लागि पहल गर्ने निर्णय गरेका छन् ।
सोमबार गृह मन्त्रालयको पदभार ग्रहण गर्दै उपप्रधान तथा गृहमन्त्री लामिछानेले निर्मला पन्तको न्यायका लागि पहिल गर्ने पहिलो निर्णय गरेका हुन् ।
कञ्चनपुर भीमदत्त नगरपालिका-२, उल्टाखामकी १३ वर्षीया बालिका निर्मला पन्तको १० साउन २०७५ मा बलात्कारपछि हत्या भएको थियो । उनको शव ११ साउन २०७५ मा उखुबारीमा फेला परेको थियो । पन्तको हत्या भएको चार वर्ष बितिसक्दा पनि प्रहरीले हत्यारा पत्ता लगाउन सकेको छैन ।
निर्मला हत्यापछि नेपाल प्रहरीका चार जना प्रहरी महानिरीक्षक (आईजीपी) नै फेरिएका छन् । निर्मलाको हत्या हुँदा नेपाल प्रहरीका आईजीपीमा सर्वेन्द्र खनाल थिए । उनको पालामा सुल्झाउन नसकेको निर्मला पन्त बलात्कार र हत्या त्यसपछि नियुक्त अर्का आईजीपी ठाकुरप्रसाद ज्ञवालीले समेत सुल्झाउन सकेनन् ।
त्यसपछि आईजीपी बनेका शैलेश थापा क्षेत्रीले पनि हत्यारा पत्ता लगाउन सकेनन् । अहिले धीरजप्रताप सिंह आईजीपी छन् । तर, पन्तका हत्यारा भने अझै पत्ता लाग्न सकेको छैन ।
वि.सं.२०७९ पुस ११ सोमवार २२:००