संखुवासभा समाज अमेरिकाको यहि जुलाइमा निर्वाचन हुने
shares
अमेरिका संवाददाता । संखुवासभा समाज अमेरिकाको यहि जुलाइमा निर्वाचन हुने भएको छ । अमेरिकामा बसोबास गरि बस्ने संखुवासभा जिल्लाबासीहरुको सामाजिक संस्था अमेरिकाको कानुन अनुसार दर्ता भएको संखुवासभा कम्युनिटी अफ युएसए ५०१(३)(सि) हो ।
संस्थाको बिधान २०१६ अनुसार अध्यक्ष १, बरिष्ठ उपाध्यक्ष १, उपाध्यक्ष ४, महासचिब १, कोषाध्यक्ष १, सचिब १, पक्लिक रिलेसन अफिसर १, प्लानिग अफिसर १, इभेन्ट अफिसर १, टेकनिकल अफिसर १ र बोड अफ डाइरेक्टर ८ को निर्वाचन जुलाई १७, २०२२ आइतबार गराउन सल्लाहकार समिति सदस्यको संयोजक नारायणचन्द्र श्रेष्ठ, संस्थापक आजीवन सदस्य श्याम श्रेष्ठ र बोड अफ डाइरेक्टर गौलोचन प्रधान रहेको एक निर्वाचन समिति गठन गरिएको छ ।
बिधान अनुसार निर्वाचन हुने दिन देखि ६० दिन अगाडि मे, १८, २०२२ मा मतदाता नामावली प्रकाशन गरिने हुदा मे, १८, २०२२ सम्म सदस्य हुनु भएको व्यक्तिहरुको मात्र नामावली प्रकाशन गरिने छ । निर्वाचनको कार्य तालिका निर्वाचन समितिले पछि प्रकाशन गर्ने छ ।
निर्वाचनमा उमेद्वारी दिने व्यक्तिले अध्यक्षको लागि ५ सय, पदाधिकारीको लागि ३ सय र बोड अफ डाइरेक्टरका लागि २ सय डलर शुल्क तिर्नु पर्ने छ ।
वि.सं.२०७८ चैत १९ शनिवार ०९:३२