एजेन्सी । इंग्ल्यान्डको च्याम्पियनसिप क्लब मिडल्सब्रोले मुख्य प्रशिक्षक जोनाथन वुडगेटलाई बर्खास्त गरेको छ ।

मिडल्सब्रोले मंगलबार प्रशिक्षक जोनाथनलाई बर्खास्त गरिएको जनाएको छ ।

यस्तै क्लबले उनको स्थानमा निल वार्नोकलाई नियुक्त गरेको छ ।

च्याम्पियनसिप अन्तर्गत घरेलु मैदानमा स्वान्सीसँग ३—० ले पराजित भएको तीन दिनपछि क्लबले उनलाई बर्खास्त गरेको छ ।

इंग्ल्यान्डका पूर्व खेलाडी समेत रहेका जोनाथनको नेतृत्वमा मिडल्सब्रोले ३८ खेलमा मात्र ९ जित निकालेको छ ।

यस सिजन मिडल्सब्रोले पछिल्लो १३ खेलमा मात्र एक जित निकालेको छ ।

मिडल्सब्रो यस सिजन ४१ अंक जोडेर रेलिगेसन क्षेत्रभन्दा एक स्थान माथि रहेको छ ।