आजबाट दोलखामा भैरव कुमारीको जात्रा शुरु
shares
दोलखा । प्राचीन सहर दोलखामा गठेमंगलदेखि जात्र पर्वको लर्को शुरु हुन्छ। गाइजात्राको भोलि पल्ट यानिकि दुतीया देखि खस्ठि ५ दिन सम्म भैरव कुमारीको जात्रा देखाइन्छ। बेलुका ९ बजे निकाली सम्पूर्ण टोल परिक्रमा गरि मन्दिर भित्रिने क्रममा बिहानको ४,५ नै बज्छ । जुन निरन्तर ५ दिन सम्म चल्छ ।
आज देखि शुरु भएको भैरव कुमारी जात्रामा तेस्रो र चौथो दिन यानिकि चौठी र पन्चमीमा जात्रा हेर्ने दर्शनार्थीहरुको उल्लेखनीय भीड हुने गर्छ। जुन दुइ दिन जात्रामा थप रौनकता थपिन्नुका साथै ब्रतालु र जात्रा हेर्ने दर्शनार्थीहरुको पनि बाग्लै उपस्थितिले जात्रामा थप रौनकता थपिन्छ।
कालो भैरव र रातो कुमारी मुख्य देवताको रुपमा हुन्छन् भने अन्य देवगन सहित १३ जनाको समुहमा बाजाको तालमा नाच्दै बजार तथा मठ मन्दिर परिक्रमा गरि बिहान सबेरै कुमारी घर भित्रिने चलन रहेको छ।
परम्परा अनुसार अस्ति जनैपुर्णिमामा ठुलो लाखे र भोलि पल्ट गाइजात्रा र गाइजात्राकै राति रासलीला सय गोपिनीको जात्रा देखाइन्छ।
वि.सं.२०७९ साउन २९ आइतवार २१:३४