समाजसेवी अनु उर्मिला शेरचनको सामाजिक यात्रा कोरोना महामारीले पनि रोकेन
shares
समय सान्दर्भिक, काठमाडौँ । सामाजिक मनकी धनि समाजसेवी अनु उर्मिला शेरचन समाजसेवा बिना आफुलाई कता कता अपुरो ठान्दै सामाजिक सेवामा निस्केकी छिन् । कोरोना जस्तो घातक महामारीमा पनि आफ्नो घर परिवारको मायालाई त्यागेर दिनदुखिको सेवामा अहोरात खटि रहेकी छिन् । समाजसेवी शेरचनको अपिललाई स्वीकार्दै देश विदेशबाट उहाँलाई मनपराउनु हुनेहरुले उहाँको अभियानलाई समर्थन गर्दै सहयोगका लागि लागि परेका छन् ।
उहाँले समय सान्दर्भिक अनलाइलाई बताउनु भयो मैले चलाएको अभियानबाट उठेका रकमबाट पहिलो चरणमा ३४ घरपरिवारका गलैचा कारखानामा काम गर्नुहुने, एकल महिला , सडक पेटीमा बस्नु भएका र जन आन्दोलनमा घाईते भएर अपाङ्ग हुनु भएकाहरूलाई खाधान्न सहयोग बाढेकी छु । अब दोस्रो चरणमा बाकी रहेको रकमबाट जतिसक्दो चाँडो दु :खी पिडितहरूलाई खाद्यन्न बितरण गर्ने छु ।
समाजसेवी शेरचन पारिवारिक जीवनसंगै आफुलाई भित्रि मन देखिने नै समाजसेवा गर्न प्रेरित गरेको हुनाले दीनदुखी असाहयको सहयोग र उद्दारमा लागि परेकी छिन् ।
सामाजसेवी शेरचनले बताइन सबैको माया , साथ , सहयोग र बिश्वासले गर्दा आज केही परिवार भोको पेट हुनुबाट जोगिएका छन् । साथै निभेको चुल्हो बलेको छ । उहाँले थपिन यो कोरोना कहरमा निस्किन डर त मनभरी छ नै मलाई पनि , घर परिवार भएको मान्छे सासू ससूरा , बालबच्चा छन् , तर पनि अरुको दुख , पीडाको चित्कारको अगाडी खै किन हो घर परिवारको सोच अलि कम नै आउदो रहेछ ।
उहाँले थपिन राम्रो मनले कसैको सेवा गर्दा खेरि पक्कै पनि राम्रै फल मिल्छ, असाहय सहारा बिहिनहरुको आशिर्वादले पनि अप्रिय त्यस्तो केहि नहुने तर्क अघि सार्दै आफैं फिल्डमा ऊत्रिएको बताउनु भयो ।
सम्पूर्ण सहयोगी मनकारी दाताहरूलाई धन्यवाद दिदै, आगामी दिनमा पनि न्यानो हार्दिकताका लागि अनुरोध गर्दै, सम्पूर्ण आय व्यय पारदर्शी गर्ने पनि प्रतिबद्दता जनाउनु भयो ।
वि.सं.२०७८ जेठ १४ शुक्रवार २१:४७