फर्पिङ्गमा बिद्यालय पोशाक तथा शैक्षिक सामाग्री बितरण
shares
काठमाडौँ । आज मंगलवार एक कार्यक्रमको आयोजना गरि दक्षिणकाली नगरपालिका स्थित फर्पिङ्गमा रहेको श्री सेतीदेवी माध्यमिक बिद्यालयका साना बिद्यार्थी भाईबहिनीहरुलाई बिद्यालय पोशाक तथा शैक्षिक सामाग्री बितरण गरिएको छ । उक्त कार्यक्रम नेप्लिज फेशन होम्, वल्ड क्योकुशिन कराँते र लाईन्स क्लव अफ काठमाडौँ टेम्पल भ्यालीको संयुक्त सहकार्यमा बितरण गरिएको हो ।
उक्त कार्यक्रममा ६० जना विद्यार्थीहरुलाई बिद्यालय पोशाक तथा शैक्षिक सामाग्री बितरण गरिएको थियो । कार्यक्रममा शैक्षिक सामाग्री तथा बिद्यालय पोशाक पाएपछि साना नानीहरु रमाएका थिए । साथै शिक्षक तथा अभिभावकहरुले पनि खुशी ब्यक्त गरेका छन् ।
कार्यक्रम दक्षिणकाली नगरपालिका वडा नं. ९ का वडा अध्यक्ष अम्बिका बलामीको सभापतित्वमा सम्पन्न भएको थियो । अध्यक्ष बलामीले आयोजक संस्थालाई धन्यवाद व्यक्त गर्नुभयो । कार्यक्रममा नेप्लिज फेशन होमकी अध्यक्ष हेमा मानन्धरले साना नानी बाबूहरुलाई अनिवार्य स्कूल पठाउन आग्रह गरिन् । छोरासँग सँगै छोरीलाई पनि बिशेष प्राथमिता दिई स्कूल पठाउन अभिभावकहरुलाई आग्रह गर्नुभयो ।
उक्त कार्यक्रममा नेप्लिज फेशन होमकी अध्यक्ष हेमा मानन्धर, क्योकुशिन कराँते संघ तथा लाईन्स क्लव अफ काठमाडौँ टेम्पल भ्यालीका अध्यक्ष अशोक कुमार श्रेष्ठ, लायन्स मणि श्री रत्न बज्राचार्य, मिस नेवाः नितु डंगोल, प्रशिक्षक हर्क बहादुर तामाङ्ग, सुरेन्द्र लामा , श्याम बहादुर तामाङ्ग र समय सान्दर्भिक पत्रिकाका प्रतिनिधि तथा स्कुल परिवार, शिक्षक, बिद्यार्थी र स्थानीय समेत सहभागिता रहेको थियो ।
उक्त कार्यक्रमको संयोजक प्रशिक्षक बुद्ध तामाङ्गले हरेका हुन् ।
वि.सं.२०७७ पुस २१ मंगलवार १८:०७