✍ बिके पासा

असारे झरि धर्क्याे वरिपरि बस्ती खेत र बारीमा

बिते है घडी पानी खेतभरि हिलाम्मे भाे साडीमा

हलोकाे अनाै खै के पाे भनाैं बेठी लगाइ टारीमा

असारे पन्ध्र हे रामचन्द्र धानकाे बीउ छ झाडीमा ।

दही र चिउरा हातमा दिउँला बाेहाेतामा राखेर

भकारी लाउने काे आउने हिलाे छ्याप्न ताकेर

पाटाे कान्ला माथि आउ है साथी बीउ च्यापेर

मिलीजुली खेली नगरी झेली रीस र राग त्यागेर ।

काँधमा हलाे साेचेर भलाे हिँडाै किसान दाजुभाइ

पानीकाे कुलाे माया नै ठूलाे साेचीकन आजलाई

खेताँ जाेतेर मानाे राेपेर मुरी फलाउने काजलाई

खेलाैँ है हिलाे पारी थिलथिलाे पन्छाएर लाजलाई ।