दोलखा सम्बाददाता । नेवा: देय् दबूको पहलमा शैलुङमा धिमेबाजा र लाखे नाच सिकाउने कार्यको थालनी भएको छ । नेवा: देय् दबूको देसै भरि नेवारी कला सस्कृति बिस्तार गर्ने अभियान स्वरूप दोलखाको शैलुङ गाउँपालिकामा पनि उक्त प्रशिक्षण दिइएको हो ।

उक्त प्रशिक्षण कार्यक्रममा धनबहादुर श्रेष्ठको अध्यक्षतामा १७ सदस्यीय नेवा: देय् दबू शैलुङ गाउँपालिका कमिटी गठन गरिएको छ। सोही अवसरमा दबुको सक्रियतामा नेवारी परम्परागत धिमेबाजा र लाखे नाचको १५ दिने प्रशिक्षण कार्यक्रमको एक समारोहका बीच प्रमुख अतिथि शैलुङ गाउँपालिका अध्यक्ष भरत दुलालले उद्घाटन गर्नु भयो ।

सो समारोहमा विशेष अतिथिको रुपमा गाँउपालिकाका उपाध्यक्ष लालमाया योन्जन र नेवा देय दबुका केन्द्रीय सचिब शान्त श्रेष्ठको उपस्थिति रहेको थियो ।

उक्त कार्यक्रममा लायन्स क्लब अफ दोलखाका पूर्व अध्यक्ष तथा द्धाल्खा गुठीका सदस्य भल्ला मास्के , बनारसी सहयोगी हातहरुका कोषाध्यक्ष दिलिप श्रेष्ठ , शैलुङ गाउपालिका वडा नं ३ का अध्यक्ष धुर्ब कुमार श्रेष्ठ तथा बाद्यबादक प्रशिक्षक रामबहादुर श्रेष्ठ सहितको उपस्थिति रहेको थियो । प्रशिक्षण कार्यक्रममा महिला तथा पुरुष गरी ४० जनाको सहभागीता रहेको थियो ।